شمع البرافين و إستخدامة فى صناعة الشموع
شمع البرافين
خصائصة :
• شمع مستخرج من البترول
•يتميز باللون الأبيض او الشفاف حسب درجه تكريره و نقائه
انواعة :
▪︎▪︎شمع برافين العامرية ( لونه يميل الى الاصفرار ودرجة نقائه اقل كثيرا من باقى الانواع و له رائحه و يستخدم غالبا فى شموع الانارة على المستوى الشعبى و الاقل سعرا و لا ينصح باستخدامة )
▪︎▪︎شمع برافين / اموك ( لونه يميل الى الابيض الشفاف و درجة نقائه عالية جدا و تم تطويره على مر السنوات السابقة يستخدم فى صناعه جميع انواع شموع الديكور المتنوعه و الشموع المعطرة و يدخل فى صناعات اخرى طبية و صناعية على حد علمى )
■ مميزاتة
▪︎سعر رخيص و فى متناول الجميع
▪︎متوفر بكثره فى الدول العربية
▪︎يحتفظ بالعطر جيدا
▪︎ يسهل عملية خلطة مع الالوان و العطور
■عيوبة
▪︎سريع الاشتعال (عمر قصير للشمعه ) و ده بيخلى العطر يتتطاير بسرعه
▪︎غير محبب للبيئه نوعا ما و مضر خاصه اصحاب الجيوب الأنفيه و اللى عندهم مشاكل بالصدر و التنفس
▪︎لا ينصح باستخدامه بمفرده لظهور عيوب كالتقعر او التشقق او بعض العيوب الاخرى
■معلومة اضافية :
▪︎الدول الاجنبيه كانو بيستخدموا البرافين لفترة كبيرة جدا و كانو سعداء بالنتائج لحد ما ظهر بعض اانواع الشموع الاخرى الجيده ايضا و الاقل ضررا بالبيئه و لكن مع متابعتى لاكبر صفحات و شركات لصناعه الشموع الا انهم مازالوا يستخدموا البرافين باضافتة كنسبه بسيطه من مكونات الشمع الخاص بيهم علشان يستفيدوا من ممميزاته و يتفادوا عيوبه.
■ نصائح الاستخدام :
▪︎تسخين الشمع في نظام الغلاية المزدوجة
▪︎يتم اضافة الالوان الخاصة بالشمع اثناء الغليان على درجة حرارة 85 درجة حتى تذوب بالكامل
▪︎يتم اضافة العطور على درجة حرارة لا تتعدى ال ٧٠ حتى لا يتتطاير العطر و فى نفس الوقت لا تقل عن ٦٨ لسهولة التجانس مع العطر
▪︎قم بتسخين العبوات الزجاجية للسماح بالتصاق جانبي أفضل
▪︎ يتم اضافه مصلب لتحسين جودة الشمعه و الحصول على افضل النتائج
▪︎اما نسبة العطر فترجع لدرجه تركيز العطر نفسه بس عالميا لا يفضل زيادة العطر عن ٨ % او ٦ % كمان على ما اتذكر
بس العطور المستوردة درجة تركيزها اعلى بكتير عن الل موجوده داخل مصر
● و اهم نقطة فكل ما سبق التجربة ثم التجربة ثم التجربة
كل المعلومات السابق ذكرها تم جمعها على مدار اسابيع و شهور و مشاهدة جروبات اجنبية و عربية و قنوات و مواقع و كمان نتيجة تجاربي انا الشخصية
