سؤال مهم قبل ما اشارك معاكم أفكار لتجديد المطبخ او اى اثاث أمتى تقررى تغيرى و ازاى هو ده السؤال المهم !
اولا صباح الفل عاوزه اتناقش معاكم فى موضوع مهم
دلوقتى ماشاء الله انا شايفه ان الستات بقت شاطرة جدا و فعلا ابتدوا يغيروا و يجددوا فى بيتهم لدرجه وصلت انهم بيبيضوا مطابخهم وده شىء ممتاز و مفرحنى جدا جدا خصوصا ان هو ده اللى انا بحاول انشره و اعلمه فى شغلى و فيديوهاتى زى فيديو تجديد الجزامة القديمه من هنا
لكن السؤال هنا
امتى تقررى تغيرى و ازاى هو ده السؤال المهم !
اولا قرار التغير بيجى مش علشان انتى زهقانه او عاوزه تقلدى و بس
لا طبعا فكره ال recycle هنا انك بتعيدى استخدام حاجه كانت اصلا حتترمى او تبوظ او جيبتي مثلا مطبخ غصب عنك او اللون مش على مزاجك من الاول ومضايقك نفسيا
لكن حرام بصراحه الاقى عروسه لسه متجوزه من سنتين راحت دهنت مطبخها علشان يبقى شكله تركى و على الموضه انتى ممكن تجيبى حاجات بسيطه تنطق المكان مثلا اشترى زرع اعملى ديكورات بسيطه اعملى أرفف خشب غيرى الستاره او السجاده حتغير معاكى شكل المطبخ تماما ( مثال الصوره رقم ١ و ٢)
طيب نفترض انك خلاص مصممه انك تجددى المطبخ
يبقى هنا لازم تختارى صح
ملكيش دعوه بالموضه لازم تختارى اللى يليق على بيتك و عفشك مينفعش ابدا ان يكون لون السيراميك و الحيطه و السجاد و الستاير بنى و انتى تقررى تختارى لون البينك و التركواز لمجرد انك عاوزه مطبخك يبقى تركى
بصراحه مطابخ الأتراك جميله بس هما عندك الحيطان و العفش كله فواتح ابيض و بينك و روز فبيختاروا الالوان اللى تليق ليهم هما مش احنا
طيب منا عاوزه اجدد اعمل ايه ؟؟
شوفى اكتر لون غالب فى مطبخك و ابتدى ابنى عليه الالوان اللى تليق فيه مطابخ اجانب حلوه اوى و منسقه جدا و حيكون منها تجديد بس فى الاخر البيت كله شكل و استايل واحد
مثال لو المطبخ عندك اللون الغالب فى الاساس البنى او نبيتى او غوامق عموما فممكن تلونى الدواليب بالابيض زى (الصور من رقم ٣ الى رقم ٧ ) و تختارى ستاره شيك تغير الشكل مع شويه زرع مثلا او برواز شيك
مثال لو انتى بقى عندك البلاط و الحيطان ابيض و مش عاوزه دواليب بنى جمعتلك افكار من الصوره رقم ٨ الى ١١ بدون بينك و تركواز 😂
اتمنى تكونوا استفدتوا من كلامى و الله العظيم مقصدش حاجه تزعل حد بس الكلام طالع من قلبى و للمصلحه العامه و مستنيه اشوفك افكاركم الحلوة
وياريت محدش ينقل الكلام ده من غير ذكر المصدر
#superhandmadecrafts
#تجديد_الأثاث
#مطبخ_تركى
ليست هناك تعليقات:
إرسال تعليق